Սկսեցինք տարանցիկ ինտերնետ մատակարարել Մերձավոր Արևելք՝ այսպիսով ընդգծելով երկրի հեռահաղորդակցության ոլորտի կարևորությունը տարածաշրջանում:

Ձեռք բերեցինք «Օրանժ Արմենիա» ընկերության 100% բաժնեմասերը՝ այսպիսով մուտք գործելով Հայաստանի շարժական կապի շուկա։ «Օրանժ Արմենիա»-ն, որը պատկանում էր ֆրանսիական Orange խմբին (նախկինում՝ France Telecom), Հայաստանում բջջային կապի ծառայություններ էր մատուցում 2009 թվականից՝ լինելով բջջային երրորդ օպերատորը «ԱրմենՏել»-ից և «ՎիվաՍել-ՄՏՍ»-ից հետո։

Հայաստանի ամբողջ տարածքում գործարկեցինք միջազգային լավագույն չափանիշներին համապատասխանող ամենաարագ 4G+ ցանցը, ինչպես նաև համալրեցինք ընկերության համակցված ծառայությունները՝ բաժանորդներին հասանելի դարձնելով IP հեռուստատեսության, ֆիքսված ու շարժական հեռախոսակապի և ինտերնետ ծառայությունների ամբողջական՝ «4-ը 1-ում», փաթեթը:

Կորպորատիվ սոցիալական պատասխանատվության շրջանակում մենք ակտիվ քայլեր ձեռնարկեցինք ՏՀՏ ոլորտի զարգացման ուղղությամբ՝ կյանքի կոչելով մի շարք ծրագրեր, հատկապես կրթության և տեխնոլոգիաների խաչմերուկում։ Ucom-ի աջակցությամբ Հայաստանի մի շարք դպրոցներում բացվեցին ժամանակակից համակարգչային և ինժեներական լաբորատորիաներ, որոնք նոր հնարավորություններ տվեցին աշակերտներին։

Speedtest by Ookla ընկերությունը մեզ շնորհել է Հայաստանում ամենաարագ շարժական ինտերնետը մրցանակը:

Ակտիվ աշխատանք սկսեցինք HD որակի հեռուստաբովանդակության ընդլայնման վրա, մեկնարկեցինք uKid, uFleet նորարարական նախագծերը՝ չանտեսելով ինժեներական կրթությանը վերաբերող ԿՍՊ նախագծերը։

Նեդրեցինք uCloud պորտալը, uDoctor հավելվածը։ Թողարկեցինք դոլարային և դրամային պարտատոմսեր՝ 7.5% և 11% տարեկան տոկոսային եկամտաբերությամբ, որոնք ցուցակվեցին AMX ֆոնդային բորսայում։ Առաջինը տարածաշրջանում գործարկեցինք eSIM տեխնոլոգիան։ Դառձանք նաև WCIT 2019-ի տեխնիկական հովանավորը։

Covid-19 համավարակի ընթացքում, ապահովեցինք բաժանորդների հեռահար ուսուցման անխափան հնարավորությունը՝ չգանձելով ինտերնետի վճար մի շարք կրթական կայքերից օգտվելու համար։ Այդ ընթացքում, ինչպես նաև 44-օրյա պատերազմի օրերին, բարձր պատասխանատվությամբ մոտեցանք կապի ապահովմանը՝ Արցախի բնակչությանը տրամադրելով կայուն և հասանելի հաղորդակցություն նույնիսկ ամենաբարդ պայմաններում։

Իրականացրեցինք մի շարք կարևոր նախաձեռնություններ՝ շարունակաբար բարձրացնելով մեր ծառայությունների որակը և համահունչ քայլելով միջազգային ստանդարտներին։ Փորձարկեցինք 1 Գբիթ/վրկ արագությամբ ցանցը, ինչպես նաև համագործակցեցինք Հայաստանի Ազգային օլիմպիական կոմիտեի հետ։ Գերազանցությամբ ապահովեցինք ԱԺ ընտրությունների հետ կապված տեխնիկական գործընթացների իրականացումը։ Արժանացանք Ookla ընկերության «Հայաստանում ամենաարագ ֆիքսված ցանց 2021» մրցանակին և հանդես է եկել Unity կոնվերգենտ առաջարկով, որը միավորում է շարժական և ֆիքսված ծառայությունները մեկ հարթակում։

Բացեցինք մեր զանգերի կենտրոնը Վանաձորում, բաժանորդներին տրամադրեցինք նորագույն Wi-Fi 6 սարքերը, հանդիսացանք սպորտային, կրթական և տեխնոլոգիական բազմաթիվ միջոցառումների տեխնիկական աջակիցը և արժանացանք Ookla ընկերության կողմից շնորհված «Հայաստանում ամենաարագ ֆիքսված ցանց 2022» և «Հայաստանում ամենաարագ շարժական ցանց 2022» մրցանակների:

Սահմանեցինք նոր ռազմավարություն, ըստ որի սկսեցինք ֆիքսված և շարժական ցանցերի ընդլայնման, արդիականացման և վերազինման ակտիվ աշխատանքներ։ Ստացանք կառավարման համակարգի ISO 9001 և տեղեկատվական անվտանգության բարձր ստանդարտին համապատասխանելու ISO/IEC 27001 հավաստագիր։

Կարևոր քայլ կատարեցինք Հայաստանի թվային ապագայի զարգացման ուղղությամբ՝ գործարկելով երկրի ամենալայն 5G ցանցը։ Մեկ տարվա ընթացքում այն հասանելի դարձավ 28 մարզային քաղաքներում՝ ապահովելով նոր սերնդի կապ մեր բաժանորդներին։ Շարունակեցինք 4G+ և ֆիքսված ցանցի ընդլայնման և վերազինման աշխատանքները։ԿՍՊ ուղղությամբ համագործակցությունը շարունակեցինք Sunchild ՀԿ-ի հետ՝ արևային կայաններ տեղադրելով սահմանամերձ համայնքների հանրային կարևորության շենքերի վրա։ Impact Hub-ի հետ համագործակցությամբ նոր ինկուբացիոն ծրագիր սկսեցինք կանաչ տեխնոլոգիաներ զարգացնող ստարտափների համար։

Հաճախորդներին ներկայացրեցինք նորարարական, ժամանակակից TV և մեդիա հարթակը՝ Uplay-ը, որը հնարավորություն է տալիս վայելել սիրելի ֆիլմերը, հեռուստասերիալներն ու հաղորդումները լավագույն որակով։ Գործարկեցինք 5G ցանցը Երևանում և շարունակեցինք տարածել այն Հայաստանի 35 քաղաքներում և տարածքներում։